चितवन – विद्युत व्यवसायी संघ चितवनले आफ्नो १६ औं स्थापना दिवसको अवसरमा विशेष कार्यक्रम आयोजना गर्दै, रत्ननतर–१५ माधवपुरमा रहेको निशुल्क दिपज्योती क्रियापुत्रि भवनलाई विद्युतीय सामग्री वितरण गरेको छ ।
कार्यक्रमका प्रमुख अतिथि तथा संस्थापक अध्यक्ष बामदेब शर्मा घिमिरेले संस्थाको सुरुवातदेखि अहिलेसम्मको यात्रा बारेमा जानकारी दिदै सामुदायिक सेवामा योगदान पु¥याउने उद्देश्यले यस्ता कार्यक्रमहरूको निरन्तरता आवश्यक रहेको धारणा व्यक्त गरे ।
कार्यक्रमका बिशिष्ट अतिथि नेपाल बिद्युतिय महासंघका तृतीय उपाध्यक्ष लेखनाथ सापकोटाले संस्थाको क्रियाशीलता र विद्युत् व्यवसायीको योगदानको सराहना गर्दै आगामी दिनमा अझ प्रभावकारी रूपमा अगाडि बढ्न सुझाव दिए ।
कार्यक्रममा बोल्दै निशुल्क दिपज्योती क्रियापुत्रि भवनका संरक्षक ठाकुर प्रसाद पन्त, वर्तमान अध्यक्ष ठाकुर प्रसाद खरालले आफ्नो संस्था सामाजिक उत्तरदायित्व र सेवामूलक अभियानका रूपमा अगाडी बढेको बताउदै बिभिन्न सामाजिक संस्थाहरुको आफुहरुलाई सहकार्य गर्न आवश्यक रहेको बताए ।
सो कार्यक्रमको सभापति तथा संस्थाका वर्तमान अध्यक्ष बिष्णु प्रसाद चालिसेले मन्तव्य राख्दै आफ्नो संस्था सामाजिक उत्तरदायित्वप्रति प्रतिबद्ध भएर लागि रहने बताए ।
संस्थाका कोषाध्यक्ष परमेश्वर भट्टराईको संयोजनमा सञ्चालित सो कार्यक्रमको सञ्चालन संस्थाका सचिव नारायण वंसीले गरेका थिए ।
कार्यक्रममा दुवै संस्थाका कार्यसमितिका पदाधिकारी, सदस्य, स्थानीय बासिन्दा, सामाजिक कार्यकर्ता, व्यवसायी, पत्रकार तथा सरोकारवालाहरूको उल्लेखनीय उपस्थिति रहेको थियो ।
