महेश पाण्डे
१२ श्रावण, रत्ननगर, चितवन
रत्ननगर – ८ मा रहेको श्री बैरिया मा.वि. रत्ननगरमा रत्ननगर नगरपालीकाको ई.एफ.एल.जि कार्यक्रमबाट प्राप्त आर्थीक सहयोग र बिद्यालयको सहयोगमा निर्मीत बिद्यालय परिसरमा बृक्षारोपण कार्यक्रम सम्पन्न भएको छ । रत्ननगर नगरपालीकाकी वातावरण अधिकृत शन्ध्या रिजालको प्रमुख अतिथ्यतामा उक्त कार्यक्रम सम्पन्न भएको थियो । रिजालको हातबाट पहिलो बृक्ष रोपेर कार्यक्रमको उद्घाटन गरिएको थियो । त्यस्तै कार्यक्रममा बिद्यालय ब्यवस्थापन समितीका अध्यक्ष गोबिन्द सुवेदी, प्राधानाध्यापक यवराज शर्मा पौडेल, वडा नं. ८ का वडा सचिव खगनाथ पराजुली, वडा नागरिक मञ्च रत्ननगर ८ का संयोजक शिवकान्त पौडेल, वडा नं. ८ का टोल समन्वय समितीका संयोजक ज्ञानेन्द्र राज पाण्डे, अभिभावक संघका अध्यक्ष बिष्णु सुवेदी, बिद्यालय निर्माण समितीका अध्यक्ष शंकर खनाल, बैरिया एल्मुनाई यसोसियसनका सदस्य नारायण काजी श्रेष्ठ, बैरिया एल्मुनाई यसोसियसनका सदस्य तथा पत्रकार महेश पाण्डे, बिद्यालय निर्माण समितीका सदस्यहरु, अभिभावक संघका सदस्यहरु, शिक्षक, अभिभावक तथा बिद्याथीहरुले बृक्षारोपण गरेका थिए । साथै कार्यक्रममा बिद्यालयक प्राधानाध्यापक यवराज शर्मा पौडेलले कार्यक्रममा सहयोग तथा उपस्थित हुने सबैलाई धन्यवाद ब्यक्त गरेका थिए ।
तपाईको प्रतिक्रिया
