चितवन । खैरहनी न.पा.१२ मा रहेको कुमरोज मध्यवर्ती सामुदायिक वनमा बाघले आक्रमण गरि मान्छे लगेको छ । आज (शनिवार) बिहान ०९ः०५ बजेको समयमा खैरहनी न.पा. वडा नंः १२ जनकपुरमा बस्ने ६५ वर्षका राम प्रसाद धमलालाई घाँस काट्न गएको बेलामा बाघले आक्रमण गरि जंगल तर्फ लगेको प्रहरीले जनाएको छ ।
अहिले धमलालाई बाघले लगेको भनेको स्थान तर्फ नेपाली सेनाको जनकपुर पोष्ट कुमरोजबाट जम्दारको कमाण्डमा र ईप्रका खैरहनीबाट प्रहरी निरिक्षकको कमाण्डमा खटेको टोलीले खोजि गरि रहेको र हाल सम्म पनि उनि फेला नपरेको प्रहरीले जनाएको छ ।
