१९, असोज, चम्पानगर, चितवन
नेपालीको आवाज अनलाईन खेलकुद डेस्क
भरतपुर उपमहानगरपालिका २० चम्पानगरमा कार्तिकको दोश्रो साता प्रथम खुल्ला भलिवल प्रतियोगिता हुने भएको छ । हिमाल युवा क्लवको आयोजनामा कार्तिकको १२ गतेदेखी १४ गते सम्म प्रतियोगिता गर्न लागिएको हो । चितवन जिल्लासहित छिमेकी जिल्लाहरुबाट समेत टिमको सहभागीता रहने प्रतियोगिताको पहिलो हुने टिमले नगद ५० हजार पुरस्कार प्राप्त गर्ने आयोजक क्लवका अध्यक्ष केशव देवकोटाले जानकारी दिए । त्यस्तै दोश्रो हुने टिमले नगद ३० हजार रुपैया प्राप्त गर्ने छ । पश्चिम चितवनमा भलिवल खेललाई लोकप्रिय वनाउन र आन्तरीक पर्यटन प्रर्वद्धन गर्ने उदेश्यले प्रतियोगिता आयोजना गर्न लागिएको प्रतियोगिताका संयोजक रामहरी सेढाईले जानकारी दिए । सो क्लवले स्थापनाकालदेखीनै सामाजिक र खेलकुदका क्षेत्रमा निरन्तर रुपमा काम गर्दै आईरहेको छ ।
