बिकास पौडेल
असोज २१, रत्ननगर, चितवन
नेपालीको आवाज अनलाईन न्युज डेस्क
हिन्दुहरूको महान् पर्व बडादशैको अवसर पारेर चितवन स्थिति रत्ननगर नगरपालिका वार्ड नम्बर ६ , मोहनामा रहेको श्री जनचेतना यूवा समूह मोहनाले घटस्थापनाको दिन बाट विविध साँस्कृतिक कार्यक्रम तथा दुर्गा पुजा आर्धाना कार्यक्रम सञ्चालन गरिरहेको छ । बिहिवार पाँचौँ दिन बाट विविध कार्यक्रमहरू सञ्चालन गरेको छ । बिहिवार महिला र पुरुषको छुटाछट्टै सियोधागो प्रतियोगिता , सोलोसाइकल रेस प्रतियोगिता र बच्चाहरुको लागि म्युजिकलचियर प्रतियोगिता सम्पन् गरेको छ । सियोधागो पुरुष तर्फ प्रथम गोकुल अगस्ती, द्धितिय खड्क बहादुर मैनाली र तृतिय भिमसेन अगस्ती हुनुभएको छ । त्यस्तै महिला तर्फ प्रथम हुनुभएको छ अन्जना पौडेल , द्धितिय आकृति पौडेल र तृतिया अनिता निरौला हुनुभएको छ ।
बिहिवारनै भएको सोलोसाइकल रेस प्रतियोगितामा प्रथम धनन्जय शर्मा , द्धितिय सन्तोष मैनाली र तृतिय किरण मैनाली हुनुभएको छ र म्युजिकलचिएरमा सिवान मैनाली प्रथम , कृष गुरुङ द्धितिय र अदिति थपलिया तृतिया हुनुभएको छ । आज सम्ममा आइपुग्दा स्थानीयको उत्साजनक सहभागिता रहेको र सहयोग आउने क्रम पनि निरन्तर रहेको अध्यक्ष खड्क बहादुर मैनालीले जानकारी दिनु भएको छ । आफ्नो कला धर्म संस्कृति संरक्षण गर्न यूवालाई प्रोत्साहन हुने र संस्कृति संरक्षण मा टेवा पुग्ने संस्थाले बिश्वास रहेको अध्यक्ष मैनालीले बताउनु भएको छ । संस्थाले शुक्रबार पुरुष र महिलाको छुट्टा छुट्टै म्याराथुन दौड , पिठोमा पैसा खोज्ने प्रतियोगिता , हुने संस्थाका कोषाध्यक्ष शंकर पौडेलले जानकारी दिनु भएको छ ।
