नेपालीको आवाज अनलाईनको रिपोटीङको प्रभाव, ५३ दिन देखि ओमानमा अलपत्र समर किसनको शव नेपाल आयो

महेश पाण्डे
११ भाद्र, काठमाण्डौ
नेपालीको आवाज अनलाईन न्युज डेस्क

गत असार २० गते सोमबार बिहान १० बजेको एअर अरेबियाको जहाजबाट नेपालबाट साउदी अरबको दमाम जादै गर्दा बाग्लुङ्ग नगरपालिका वडा नं. १० का ३४ वर्षका युवा सम्मर बहादुर किसनको जहाजमानै निधन भयो ।

निधन भएपछि एअर अरेबियाको जहाज ओमानमा ल्याण्ड गरि उनको मृत शरिरलाई त्यहि छोडी आफ्नो गन्तव्यमा उड्यो । तर मृत शरिर त ओमानमा भयो तर उनीसंग हुुनुपर्ने महत्वपुर्ण कागजपत्र पोसपोर्ट त्यहि बाट हराउयो वा गाएव भयो । त्यसैकै कारण उनको मृत शरिर नेपाल ल्याउन समस्या भईरहेको थियो । युनीक ओभरसिजबाट करिब १४०० रियल तलब खाने सहमतीमा उनि दमामको लागि उडेका थिए । मृतक किसनका एक श्रीमती, दुई जना १५ र ३ वर्षका छोरा छन् भने १६ वर्षकी एक छोरी छीन् ।

यहि कुरालाई समेट्दै नेपालीको आवाज अनलाईन पत्रिकाले बाग्लुङ्ग नगरपालिका वडा नं. १०, निफन्नी, लामाथरमा गत श्रावण २७ गते गएर भिडीयो रिपोर्ट तयार पारेको थियो जुन अहिले दुई लाख पन्ध्रहजार भन्दा बढि दर्शकले हेरिसकेका छन् । यहि प्रभावले गर्दा पनि उहालाई ल्याउन सजिलो भएको बताउनु हुन्छ मृतक समर किसनकी दिदी सासु देवि नेपाली ।

करिब ५३ दिन देखि ओमानमा अलपत्र परेको किसनको शव आज (बुधवार) बिहान ९.३० बजेको एयर अरेबियाको जहाजबाट नेपाल आएको र अहिले शव त्रिभुवन अन्तराटिमृतक किसनका जेठान श्याम बि.क.ले जानकारी दिए । शव नेपाल आएपनि केहि महत्वपुर्ण कागजपत्र नआएको देखिएकोले यसको पहल भैरहेको उनले बताए ।
यो घटना गरिबिले पिल्सीएर परिवारको सपना पुरा गर्न जाने अनि अनायसै ज्यान गुमाउनुपर्ने एउटा प्रतिनीधि पात्र मात्र हो । हामी मात्र यति भन्छौ कि समर किसनको परिवारले उचित क्षतिपुर्ती पाउनुपर्छ । साथै मृतक किसन प्रती हार्दीक श्रद्धाञ्जली अनि मृतक परिवार प्रति धैर्यधारण गर्ने क्षमता मिलोस कामना बस कामना ।