रिभ्यु खराब भएपनि हिन्दी फिल्म साहोको धमाकेदार कलेक्सन, नेपाली फिल्म मारुनीलाई सो पाउनै गाह्रो

१६ भाद्र, सोमबार
नेपालीको आवाज अनलाईन मनोरञ्जन डेस्क

बाहुबली नायक अभिनेता प्रभासको फिल्म साहोले खराब रिभ्युका बाबजुत बक्स अफिसमा धमाकेदार कलेक्सन गर्न सफल भएको छ ।

बलिवुडका फिल्म विश्लेषक तरण आदर्शका अनुसार साहोले रिलिजको पहिलो दिन शुक्रबार २४ करोड ४० लाख कलेक्सन गरेकोमा शनिबार २५ करोड २० लाख कलेक्सन गरेको छ ।
साहोले दूई दिनमा हिन्दी भाषाको रिलिजबाट मात्र ४९ करोड ६० लाख कलेक्सन गरेको छ । आइतबारको कलेक्सनबाट फिल्मले पहिलो तीन दिनमा ८० करोडको नजिक कलेक्सन गर्न सक्ने देखिएको छ ।

साहोले पहिलो दिन सबै भाषामा गरेर करिब ८८ करोड कलेक्सन गरेको बताइएको छ । जुन बाहुबली-२ को १२१ करोडको रेकर्ड भन्दा धेरै कम हो । साहोले यस अघि राजनीकान्तको फिल्म २.० ले पहिलो दिन गरेको ६० करोडको कलेक्सन रेकर्डलाई भने तोडेको छ । बाहुबलीको पहिलो सिरिजले पहिलो दिन सबै भाषामा ५० करोड कलेक्सन गरेको थियो ।
हिन्दी भाषामा बहने साहो पहिलो दिन यस बर्ष रिलिज भएका फिल्म मध्ये तेस्रो धेरै कल्केसन गर्ने फिल्म बनेको छ । यस अघि सलमानको भारतले पहिलो दिन ४२ करोड ३० लाख, अक्षयकुमारको मिसन मंगलले २९ करोड १६ लाख कलेक्सन गरेको थियो ।

यसै बिच साहो संगै लागेको चलचीत्र मारुनीलाई भने हलवालाको सो पाउननै गाह्रो भएको छ । साहो हेर्ने दर्शकको भिडनै बढि भएपछि मारुनीको सो लाई घटाईएको क्यु.एफ.एक्स जलमा का म्यानेजर बिकास पोख्रेलले बताए । शुक्रबारको सो मा ४० जना, शनिवारको सोमा जम्मा १०० जना रहेको तर आईतबारको ४ बजेको सो राख्ने तयारी भएको भएपनि दर्शकको उपस्थिती अनुशार हुने उनले नेपालीको आवाज अनलाईलाई बताए । नेपाली चलचित्र मारुनीमा साम्राज्ञी राज्यलक्ष्मी शाह, पुष्प खड्का लागाएत कलाकार रहेका छन् भने, फिल्ममा पुनम गौतमको लगानी तथा नवल नेपालको निर्देशन रहेको छ ।

Facebook Comments