नेपाली काँग्रेसको संयुक्त वडा भेला सम्पन्न, काँग्रेसलाई बलियो बनाउन सबै एकजुट भएर अगाडी बढ्नुपर्नेमा जोड

अनिता अर्याल,
२८ भदौ, रत्ननगर
नेपालीको आवाज अनलाईन न्युज डेस्क

नेपाली काँग्रेसले शुक्रबार संयुक्त बडा भेला सम्पन्न गरेको छ । काँग्रेसको दोस्रो चरणको राष्ट्यि जागरण अभियान अन्तर्गत रत्ननगर नगरपालिका बडा न १०, ११, १२ र १३ बडाको भेला तथा अन्र्तक्रिया भएको हो ।
जयमंगलाको राममन्दिर परिसरमा भएको कार्यक्रममा बोल्दै प्रमुख अतिथि केन्द्रीय प्रतिनिधि प्रेम बहादुर खड्काले जागरण अभियानले काँग्रेस भित्र रहेको तिक्तता मेटेर अगाडि बढ्न सहयोग गर्ने बताउनुभयो । संविधान बिरोधी काम कम्युनिष्टले गरेको भन्दै यो नीतिगत भ्रष्टाचारको अन्त्य गर्न पार्टीका सबै एकजुट हुनुपर्ने बताउनुभयो ।
सरकार भ्रष्टचारमा लिप्त भएको भन्दै उहाँले यसको बिरोधमा खरो उत्रन आव्हान गर्नुभयो । पार्टी सभापतिको बिरोधमा उत्रन भन्दा पनि बास्तविकता बुझनुपर्ने भन्दै सभापतिको बारेमा गलत प्रचार भएको र सत्य तथ्य बुझ्न आवश्यक भएको बताउनुभयो । पछिल्लो समयमा देशमा नेपाली काँग्रेसको खाचो भएको भन्दै उहाँले पार्टी तल पर्ने काम नगर्न आग्रह गर्नुभयो । लोकतान्त्रिक संविधान काँग्रेसलाई चाहिएको बताउनुभयो । अहिलेको नियन्त्रित कानुनले कसैलाई न्याय गर्न नसक्ने भन्दै यसलाई लचिलो बनाएर लैजान काँग्रेस लागिपर्ने बताउनुभयो ।
माहासमिति सदस्य राजेन्द्र प्रशाद बुर्दाकोटीले काँग्रेसले नेतृत्व लिएर धेरै विकासका काम गरेको बताउनुभयो । पहिलो चरणमा भएको जागरण अभियानको गुनासो सुनुवाई नभएको भन्ने आक्रोस ब्यक्त गदै उहाँले स्थानीय तहमा कुनै समस्या नभएको तर केन्द्रमै सद्भावमा खलल पुगेको बताउनुभयो । गुट उपगुट छाडेर सक्षम नेतृत्व छनौट गर्ने अधिकार सबै संग भएको भन्दै अवका दिनमा सक्षम नेतृत्व आउने बताउनुभयो ।
पूर्व सांसद साबित्री पाठक बोगटीले महिलालाई नेतृत्व विकासका लागि विभिन्न तालिमको आवश्यकता रहेको बताउनुभयो । उहाँले महिलाहरुलाई सक्षम बनाउन बडा तह देखिनै आर्थिक, सामाजिक ,राजनैतिक रुपमा दरो बनाएर लैजानु पर्ने अबस्था भएको बताउनुभयो ।
त्यसै गरी पुर्व शिक्षा मन्त्री शेषनाथ अधिकारीले पछिल्लो समय नेपाली काँग्रेस संयमित भएको बताउनुभयो । यो अभियान काँग्रेस भित्रको जागरण,नेता भित्रको जागरण,र आफै भित्रको जागरण भएको बताउनुभयो । कम्युनिष्ट दिन प्रतिदिन असफल हुदै गैरहेको भन्दै उहाँले लोकतन्त्र बिरुद्धको एक दलिय तानासाही कानुनको बिरुद्धमा लड्न तयार हुनुपर्ने बताउनुभयो । पार्टीले महिलालाई हरेक ठाउँमा प्रतिनिधित्व गर्ने सविधान बनेको बताउदै उहाँले अबका दिनमा पार्टीले सबैलाई सन्तुलन मिलाएर लैजाने बताउनुभयो ।
कार्यक्रमका जिल्ला सचिव राजिब न्यौपानेले विपीको चिन्तन राष्ट्रमा सफल भएको भन्दै विचारका हिसाबले काँग्रेस बलियो भएको प्रस्ट पार्नुभयो । छलछाम गरेर दुईतिहाई ल्याएको भए पनि विचारका हिसाबले कम्युनिष्ट पछाडि रहेको बताउनुभयो । तालमेल नमिलेर केहि मतले पछाडि परेको स्बीकार गदै उहाँले आगामी दिनमा गल्तीबाट पाठ सिक्न जरुरी भएको बताउनुभयो । पार्टीको विधान अनुसार चल्ने दिन आएको हुदाँ कसैले पनि पार्टीप्रति शंका गर्नु नपर्नेमा प्रस्ट पर्नुभयो । कार्यक्रममा बोल्ने अधिकांश बक्ताहरुले
अबका दिनमा काँग्रेस सच्चिएर अगाडि बढ्न सुझाब दिएका छन् । कार्यक्रममा प्रदेश नं १ ख का सभापति सुजन थापा,नगर सभापति रुपनराज घिमिरे, नेता उत्तम आचार्य,माहाधिवेशन प्रतिनिधि गीता देबकोटा,वडा नं १० का सभापति कलाधर पौडेल, १२ का सभापति श्रीकृष्ण घिमिरे लगायतले मन्तव्य राखेका थिए । विपी जयन्तीको अबसर पारेर भदौ २४ गतेबाट सुरु भएको दोस्रो जागरण अभियान असोज ७ गते सरकारको कार्यशैलीको बिरोधमा सभा गरेर सकिने जिल्ला सचिब राजिब न्यौपानेले बताउनुभयो । बडा न १३ की सभापति सीतु अधिकारीको अध्यक्षतामा भएको कार्यक्रम ११ का सभापति सुर्य पौडेलले संचालन गरेका थिए ।

Facebook Comments