नवलपरासीको कावासोतीमा ट्रक र कार ठोक्किँदा कारमा सवार ५ जनाको मृत्यु
७ असोज, नवलपरासी
नेपालीको आवाज अनलाईन न्युज डेस्क
नवलपरासीको कावासोतीमा ट्रक र कार ठोक्किँदा ५ जनाको ज्यान गएको छ । गए राति कावासोती ८ को खरकट्टा जंगलमा राति सवा १० बजे पश्चिमबाट पुर्वतर्फ आउदै गरेको लु १ ख ८५३२ नम्बरको ट्रक र विपरित दिशाबाट जादै गरेको बा २१ च ६४०९ नम्बरको कार एकआपसमा ठोक्किएको हो ।
दुर्घटनामा परि कारमा सवार ५ जनाको मृत्यु भएको प्रहरीले जनाएको छ । गम्भीर घाइते भएका उनीहरुलाई उपचारको लागि भरतपुर अस्पताल पठाइएकोमा अस्पतालले मृत घोषणा गरेको थियो । मृतकको नाम खुल्न भने बांकी रहेको प्रहरीले जनाएको छ ।
