महेश पाण्डे
८ असोज, चितवन
नेपालीको आवाज अनलाईन न्युज डेस्क
प्रदेश नं ३ का मुख्यमन्त्री डोरमणी पौडेलले सरकारले बाहिरबाट उत्पादित बस्तु ल्याउन रोक्न नसक्ने बरु जनता आफैले बहिस्कार गर्नुपर्ने बताएका छन् । चितवन केरा ब्यवसायी संघको ७ औं साधारण सभामा प्रमुख अतिथी रहेका पाडेलले सो कुरा बताएका हुन ।
मुख्यमन्त्री पौडेलले स्वदेशी किसानले उत्पादन गरेको बस्तु उपभोक्ताहरुले प्रयोग नगरि खालि बिदेशी उत्पादनमा मात्र जोड दिएका कारणले गर्दा पनि नेपाली किसानलाई समस्या भएको बताए । उनले नेपालको बिदेश प्रतिको निती अनुशार कुनैपनि खाद्यवस्तु लाई आयातमा रोक लगाउन नसक्ने भएकोले बरु उपभोक्तालेनै बहिस्कार गरेमा त्यो संभव हुने बताए । उनले भने “बिदेशी बस्तु खोजि खोजि खाने, अनि सरकारलाई गालि गर्ने काम नगरौ ।”
मुख्यमन्त्री पौडेलले प्रकृतीलाई कसैले पनि रोक्न नसक्ने भएको कारण र कतिपय अवस्थामा बिउ बिजन र अध्ययनको कमिले गर्दा पनि किसानलाई समस्या भएको देखिएको हुदा हाल किसानलाई ७५ प्रतिशत ईन्सुरीयन्सको ब्यवस्था सरकारले गर्ने बताए ।
मुख्यमन्त्री डोरमणी पौडेलले प्रदेश सरकारले डेढ वर्षको अवधिमा ठुलो उपलव्धी हासिल गरेको दावी गरेका छन् । चितवन केरा उत्पादक संघको पाँचौ वार्षिक साधारण सभालाई बुधवार रत्ननगरमा सम्वोधन गर्दै मुख्यमन्त्री पौडेलले अहिले सरकारप्रति आक्रोस पोख्ने बेला नभएको बताए । प्रदेश सरकार जन्मिएको २ वर्ष पुगेको छैन मुख्यमन्त्री पौडेलले भने – यसबीचमा धेरै काम गरेको छ, आक्रोस र आलोचना गर्ने समय होईन् ।
प्रदेश सरकारले ऐन कानुन निर्माणदेखी विकास निर्माणको काम धेरै गरेको उनको दावी छ । अन्य प्रदेशको तुलनामा प्रदेश ३ ले ठुलो काम गरेको मुख्यमन्त्री पौडेलले जिकिर गरे । पानी पर्दामा सरकार, हावाहुरी आउँदा नि सरकारले केही गरेन भनेर गाली गर्ने बानी अन्त्य गर्नुपर्छ उनले भने- जनताले अनुभती गर्ने गरी काम भएको छ । मुख्यमन्त्री पौडेलले सरकार सधै किसानको पक्षमा रहेको उल्लेख गर्दै सरकारसंग हातेमालो गर्न आग्रह गरे ।
विदेशबाट खर्वौको खाद्यान्न,तरकारी,फलफुल भित्रि रहेको प्रसंगमा मुख्यमन्त्री पौडेलले स्वदेशको उत्पादन वृद्धी गरेर आयात नियन्त्रण गर्न सरकार सचेत र संवेदनशील रहेको बताए । नेपालमा खेतबारी धेरै बाँझो रहेको भन्दै उनले त्यसको सदुपयोग गर्न सके धेरै हदसम्म आयात प्रतिस्थापन गर्न सकिने औल्याए ।
चितवन केरा उत्पादक संघका अध्यक्ष घननाथ महतोको अध्यक्षतामा भएको कार्यक्रममा प्रदेश सांसदहरु कृष्ण प्रसाद खनाल, घनश्याम दाहाल, रत्ननगरका मेयर नारायण वन, चितवन केरा उत्पादक संघका पूर्व अध्यक्ष यज्ञ सुवेदी, निवर्तमान अध्यक्ष विष्णुहरी पन्त, चितवन केरा जोनका संयोजक खेमराज दुवाडी, नेपाल उद्योग वाणिज्य महासंघका केन्द्रिय सदस्य कल्याण जोशी, केरा उत्पादक संघ नवलपरासीका अध्यक्ष लक्ष्मी यादव, चितवन केरा उत्पादक संघका महासचिव वेदप्रसाद भट्टराई लगायतले मन्तव्य राखेका थिए ।
उद्घाटनका अवसरमा अग्रज पत्रकार इश्वर जोशी, कल्याण जोशी, चितवन केरा उत्पादक संघका निवर्तमान अध्यक्ष विष्णुहरी पन्त, शिखर इन्सुरेन्सलाई सम्मान गरिएको थियो ।
