महेश पाण्डे
चितवन । बिश्व पोलियो दिवसको अवसरमा चितवन र गैडाकोटमा रोटरीले र्याली निकालेको छ । चितवन र नवलपरासीमा रहेका बिभिन्न रोटरी क्लबहरुको आयोजनामा आज (बिहिबार) बिश्व पोलियो दिवसको अवसर पारेर र्याली निकालीएको हो ।
टांडी, भरतपुर, गैडकोटबाट रोटरीयन तथा चितवनका साईकल राईडरहरु गरि करिब ३०० जनाको र्यालीमा सहभागीता रहेको थियो । बिभीन्न ठाउँबाट निस्किएको र्याली भरतपुरको गोन्द्राङमा जम्माभई केन्द्रिय बसपार्क, बिशाल चोक, बिरेन्द्र क्याम्पस रोड, शहिद चोक हुदै गैडकोटमा पुगेर कोण सभामा परिणत भएको थियो ।
यसैबिच शहिदचोकमा कार्यक्रमका प्रमुख अतिथि पूर्व डिस्ट्रिक गर्भनर रबिन्द्र कुमार पीयाले बेलुन उडाई पोलीयोलाई बिदाई गरिएको रोटरी क्लब अफ रत्ननगरका अध्यक्ष बिपिन पोख्रेलले जानकारी दिए ।
कार्यक्रममा गैडाकोट नगरपालिकाका नगर प्रमुख छत्र प्रसाद पौडेल, पोलीयो कोर्डीनेटर निरञ्जन प्रधान लगाएतको उपस्थिती रहेको थियो भने कार्यक्रम जोन २३ का असिस्टेन्ट गर्भनर चन्द्रमान श्रेष्ठको अध्यक्षतामा सम्पन्न भएको थियो ।
