चितवन । चितवन मेडिकल कलेज (सीएमसी) का विद्यार्थीहरुले बुधबारबाट सुरू भएको वार्षिक परीक्षा बहिष्कार गरेका छन् । उनीहरुले आफ्ना माग पूरा नभएको भन्दै आन्दोलनका कार्यक्रम फिर्ता नभएको बताए ।
प्यारामेडिक्समा अध्ययनरत केही विद्यार्थीहरुले परीक्षा बहिष्कार गरेका कलेजले जनाएको छ । कलेजका अनुसार बहिष्कार गर्ने विद्यार्थीहरुले परीक्षा फारमसमेत भरेका थिएनन् ।
विद्यार्थीहरुले कलेजअगाडि परीक्षाको प्रवेशपत्र जलाउँदै प्रदर्शन गरेका थिए । सरकार र मेडिकल कलेजबीच भएको दुई बुँदे सहमतिलाई पनि विद्यार्थीहरुले अस्वीकार गर्दै आफ्ना माग पूरा नभएसम्म आन्दोलन नरोकिने चेतावनी दिएका छन् ।
