अजित अधिकारी
चितवन/माडी । नेपालमा सम्पन्न १३औं सागमा कास्य पदक विजेता माडीका दुईजना खेलाडीलाई आज सम्मान गरिएको छ । सम्मानित हुनेमा जुडोमा कास्य पदक जितेका माडी नगरपालिका वडा नं ३ का मनिष महतो र तेक्वान्दोमा कास्य पदक जितेका माडी नगरपालिका वडा नं ९ का जीतबहादुर बोटलाई सम्मान गरिएको हो । माडी नगरपालिकाको कार्यालयमा सम्मानपत्र र दोसल्लाले उहाँहरुलाई सम्मान गरिएको हो ।
माडी नगरपालिकाका प्रमुख प्रशासकीय अधिकृत हरिदत्त कँडेल, माडी नगरपालिकाका प्रवक्ता शिवहरी सुवेदी, माडी नगर खेलकूद विकास समितिका अध्यक्ष रामबन्धु पोख्रेलले सम्मान गर्नुभएको हो । सम्मान कार्यक्रममा बोल्दै प्रमुख प्रशासकीय अधिकृत हरिदत्त कँडेलले खेलको विकासको लागि नगरपालिकाले आवश्यक कदम चालेको बताउँदै खेलाडीको क्षमता अभिवृद्धिका लागि नगरपालिका प्रयत्नशील भएको धारणा व्यक्त गर्नुभयो । साथै नगर प्रवक्ता सुवेदीले माडीका खेलाडीले सागमा पदक जित्नु माडीको लागि खुशीको विषय भएको बताउनुभयो । माडी नगर खेलकूद विकास समितिका अध्यक्ष रामबन्धु पोख्रेलले कार्यक्रमको सहजीकरण गर्नुभएको थियो ।
