अजित अधिकारी
चितवन/माडी । नगरपालिकाको बसन्तपुरमा व्यापार तथा व्यवसाय प्रबर्द्धनका लागि सरोकारवालासँग अन्र्तक्रिया गरिएको छ । घरेलु तथा साना उद्योग कार्यालय,भरतपुरको आयोजना तथा उद्योग वाणिज्य संघ माडीको सहयोगमा कार्यक्रम सम्पन्न भएको हो । बसन्तपुरको होटल प्याराडाइजमा सम्पन्न अन्र्तक्रिया कार्यक्रममा माडी नगरपालिका भित्रका उद्योगी व्यवसायीहरुको उपस्थिती रहेको थियो ।
कार्यक्रममा सहभागिहरुले उद्योग स्थापना तथा संचालन सम्बन्धि जिज्ञाशा राखेका थिए ।कार्यक्रममा घरेलु तथा साना उद्योग कार्यालय,भरतपुरका निमित्त प्रमुख उद्योग अधिकृत रमेशकुमार कर्माचार्यले उद्योग संचालनबारे जानकारी गराउनुहुँदै सहभागिहरुको जिज्ञाशाको समाधान गर्नुभएको थियो ।
कार्यक्रममा प्रमुख अतिथीको रुपमा उद्योग वाणिज्य संघ माडीका अध्यक्ष रेशमलाल आचार्य ,विशिष्ट अतिथीको रुपमा चितवन उद्योग संघ माडी इकाई समितिका अध्यक्ष भोजराज खनालले मन्तव्य व्यक्त गर्नुभएको थियो । घरेलु तथा साना उद्योग कार्यालय,भरतपुरका लेखा अधिकृत नारायणप्रसाद खनालले स्वागत मन्तव्य व्यक्त गर्नुभएको कार्यक्रममा कार्यालयका प्रमुख शिक्षक नारायणदत्त त्रिपाठीले सहजीकरण गर्नुभएको थियो ।
