चितवन । चितवनको कालिका नगरपालिकामा रहेको एउटा एनसेल टावरमा आगजनी भएको छ । कालिका नगरपालिका वडा नम्बर ९ स्थित सन्यासी टोलनजिक रहेको टावरमा मंगलबार बेलुका आगजनी भएको हो ।
आगजनीबाट टावरनजिक रहेको जेनेरेटरमा क्षति भएको तर टावरमा भने क्षति नभएको प्रहरीले जनाएको छ । आगजनी कसले गर्यो भन्ने यकिन नभएको र घटनाको अनुसन्धान सुरु गरिएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक एकनारायण कोइरालाले जानकारी दिए ।
