चितवन- पूर्वी चितवनको खैरहनी नगरपालिका १ तरकारीचोकमा पेट्रोलियम बोक्ने ट्याकरको ठक्करबाट एक जनाको मृत्यु भएको छ ।
हेटौँडाबाट नारायणगढतर्फ आउँदै गरेको ना७ख ८१४१ नम्बरको ट्यांकरले बिहीबार एकाबिहानै ठक्कर दिँदा पैदलयात्रीको मृत्यु भएको इलाका प्रहरी कार्यालय खैरहनीले जनाएको छ ।
दुर्घटनामा मृत्यु भएका करिब ३५ वर्षीय पुरुषको पहिचान नखुलेको र मृतकको शव भरतपुर अस्पतालमा राखिएको प्रहरीले जनाएको छ ।
पैदलयात्रीलाई ठक्कर दिने ट्यांकर र चालक हेटौँडा उपमहानगर ४ का ४६ वर्षीय रामचन्द्र बम्जनलाई नियन्त्रणमा लिइएको खैरहनी प्रहरीले जनाएको छ ।
