चितवन- ग्रीनल्याण्ड पब्लिक स्कुलको रजत वर्षको अवसरमा हुने जिल्लास्तरीय अन्तरविद्यालय फुटसल प्रतियोगिताको खेल तालिका सार्वजनिक भएको छ । खेल संयोजक कृष्ण कार्कीका अनुसार फुटसलमा चितवनका २० विद्यालयले सहभागिता जनाएका छन् ।
सहभागी टोलीलाई दुई समूहमा विभाजन गरिएको छ । दुवै समूहका विजेता टोलीहरु फाइनलमा प्रवेश गर्नेछन् । प्रतियोगिताका खेलहरु थ्री लाइन फुटसल क्लबमा हुनेछ ।
प्रतियोगिताको पहिलो चरणका खेलहरु सोमबार नै सम्पन्न हुने संयोजक कार्कीले बताए । सोमबार हुने उद्घाटन खेलमा आयोजक ग्रीनल्याण्ड पब्लिक स्कुल र अरोमा स्कुल भिड्ने उनले बताए । प्रतियोगिताको विजेताले शिल्ड मेडल र प्रमाणपत्र प्राप्त गर्नेछ । यस्तै प्रतियोगिताभरको उत्कृष्ट खेलाडीले पनि पुरस्कार प्राप्त गर्नेछ ।
गुण्स्तरीय शिक्षामा जोड दिँदै आइरहेको ग्रीनल्याण्ड पब्लिक स्कुलले भव्य कार्यक्रमका साथ रजत वर्ष मनाउँदै छ । बिहीबारबाट सुरु भएको रजत वर्षको कार्यक्रमहरु १० दिनसम्म हुने स्कुलकी प्राचार्य इन्दिरा कार्कीले जानकारी दिइन् ।
