चितवन- भरतपुर–१२ स्थित ग्रीनल्याण्ड पब्लिक स्कुलको रजत महोत्सवको अवसरमा जिल्लास्तरीय अन्तरविद्यालय विज्ञान प्रदर्शनी सम्पन्न भएको छ ।
ग्रीनल्याण्ड स्कुल परिसरमा सोमबार सम्पन्न बिज्ञान प्रदर्शनी चितवन जिल्लाका १३ वटा बिद्यालय सहभागी भएका थिए । प्रदर्शनीमा नारायणी नारायणी नमुना उच्च मावि प्रथम भएको छ । यस्तै डेजी स्कुल दोस्रो तथा लिटल फ्लावर स्कुल तेस्रो भएको कार्यक्रम संयोजक प्रदीप अधिकारीले जानकारी दिए ।
प्रथम दोस्रो र तेस्रो हुन सफल विद्यालयहरुलाई कार्यक्रमका प्रमुख अतिथि प्याब्सन चितवनका अध्यक्ष टीकाराम चापागाईं र ग्रीनल्याण्ड स्कुलकी प्राचार्य इन्दिरा कार्कीले पुरस्कार हस्तान्तरण गरेका थिए । कार्यक्रम स्कुलकी प्राचार्य इन्दिरा कार्कीको अध्यक्षतामा सम्पन्न भएको थियो ।
