अजित अधिकारी
चितवन- माडी नगरपालिका ५ स्थित बसन्तपुर बजारमा रहेको पिसल्याण्ड इङलिस सेकेन्डरी स्कुलको २१औँ वाषिकोत्सव एवम् अभिभावक दिवस बुधबार विद्यालयको प्राङ्गणमा सम्पन्न भएको छ ।
उक्त सो कार्यक्रममा प्रमुख अतिथिको रुपमा माडी नगरपालिकाकी उपप्रमुख ताराकुमारी काजी महतो रहेकी थिइन् । विशिष्ट अतिथिको रुपमा माडी नगरपालिकाका शिक्षा शाखा प्रमुख पुष्पराज ढकाल, माडी क्यापसका क्याम्पस प्रमुख नेत्रप्रसाद गौतम, स्कब चितवन पश्चिम क्षेत्र अध्यक्ष एवम् बालविकास स्कुलका प्रधानाध्यापक हर्कबहादुर चापागाईं, शिक्षाप्रेमी तथा संस्थापक बुद्धिसागर सुवेदी रहेका थिए ।
कार्यक्रममा बोल्दै माडी उपप्रमुख महतोले शिक्षा क्षेत्रको विकासको लागि सबै मिलेर लाग्नुपर्ने र शिक्षामा समान व्यवहार हुनुपर्ने बताइन् ।
सो कार्यक्रममा उत्कृष्ट विद्यार्थी र अभिभावकहरुलाई सम्मानसमेत गरिएको थियो । कार्र्यक्रममा पिसल्याण्ड इं. स्कुलका सहप्राचार्य तथा संस्थापक गुणराज सुवेदीले स्वागत मन्तव्य राखेका थिए ।
शिक्षक सुरेश लामिछानेले संचालन गरेको कार्यक्रम पिसल्याण्ड स्कुलका विद्यालय व्यवस्थापन समितिका अध्यक्ष एवम् संस्थापक देवीलाल पौडेलको अध्यक्षतामा सम्पन्न भएको थियो ।
