काठमाडौँ- कोरोनाको त्रासका कारण भारत र दक्षिण अफ्रिकाबीच बाँकी रहेका २ एकदिवसीय खेल रद्द भएका छन् । यसअघि बन्द रंगशालामा खेलाउने बताइए पनि अन्तिम समयमा दुवै खेल रद्द गर्ने निर्णय बीसीसीआईले गरेको छ ।
यी दुई टिमबीचको पहिलो खेल वर्षाका कारण टस नै नभई रद्द भएको थियो । बाँकी दुई खेलमा कोरोनाको संक्रमणलाइ मध्यनजर गरेर बिनादर्शक खेलाउने बताइएको थियो ।
तर, यतिबेला लखनउ र इडेन गार्डेनमा हुने खेल रद्द गरिएको छ । सिरिज रद्द भएपछि दक्षिण अफ्रिकाको टिम स्वदेश फर्किने भएको छ ।
बीसीसीआईले कोरोनाको त्रासका कारण आईपीएल पनि १७ दिन पछाडि सारेको छ ।
