काठमाडौँ । नेपालमा पछिल्लो २४ घन्टामा थप १८० जनामा कोरोना पुष्टि भएको छ । देशभरका २५ वटा प्रयोगशालामा २४ घन्टामा ४७२१ जनाको नमुना परीक्षणका क्रममा १८० जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयले गरेको नियमित पत्रकार सम्मेलनमा प्रवक्ता डा जागेश्वर गौतमले जानकारी दिए । यससँगै कोरोना संक्रमितको संख्या १५ हजार ९६४ पुगेको छ ।

नेपालमा कोरोना संक्रमणका कारण सोमबार थप एक जनाको मृत्यु भएसँगै ३५ जनाको मृत्यु भएको छ । डा गौतमका अनुसार सोमबार २६४ जना कोभिड–१९ सङ्क्रमणबाट मुक्त भएका छन् ।

अहिलेसम्म ६८११ जना सङ्क्रमणबाट मुक्त भएका छन् । अहिलेसम्म सङ्क्रमितमध्ये ४२.७ प्रतिशत बिरामी सङ्क्रमणबाट मुक्त भएका छन् ।

प्रवक्ता गौतमका अनुसार हालसम्म २ लाख ५५ हजार ७२८ जनाको पिसिआर विधिबाट परीक्षण गरिएको छ भने ३ लाख ११ हजार ७२४ जनाको आरडिटी विधिबाट परीक्षण गरिएको छ ।

उनका अनुसार हाल २९ हजार २१५ जना क्वारेन्टाइनमा र ९११८ जना आइसोलेसनमा रहेका छन् ।

तपाईको प्रतिक्रिया