अजित अधिकारी चितवन । माडी नगरपालिका ६ कल्याणपुरमा पुलबाट खसेर एक युवकको ज्यान गएको छ । कल्याणपुरमा रहेको लेते घोलको पुलबाट खसेर युवकको ज्यान गएको हो । ज्यान जानेमा सोही ठाउँ बस्ने अन्दाजीबर्ष ३५ का बिकास गुरुङ रहेको प्रहरीले जनाएको छ । उनलाई आज बिहान स्थानीयले देखेर प्रहरीलाई खबर गरेका थिए । मृतक गुरुङ पुल बाट खसेको अनुमान गरिएको भएतापनी उनी कति बजे पुल बाट खसेका थिए भन्ने कुरा हालसम्म पत्ता लाग्न सकेको छैन । स्थानीयले प्रहरी र उनका आफन्तलाई खबर गरेपछि, उपचारको लागि माडीको बघौडा अस्पताल लगिएकोमा अस्पतालले गुरुङलाई मृत घोषणा गरेको थियो । गुरुङ्ककाे शवलाई पोस्टमार्टमका लागि भरतपुर अस्पताल पठाईएको ईलाका प्रहरी कार्यलयका प्रमुख हर्क बहादुर विश्वकर्माले नेपाली आवाज संग जानाकारी दिए ।
