चितवन । पूर्वी चितवनमा रहेको रत्ननगर नगरपालिकाले ज्येष्ठ नागरिकलाई घरमै पुगेर स्वास्थ्य परीक्षण गर्ने भएको छ । आज (विहीवार) देखि ८० बर्ष माथीका ज्येष्ठ नागरिकलाई घरघरमै पुगेर स्वास्थ्य परीक्षण गर्न लागिएको नगरपालिकाका स्वास्थ्य शाखा प्रमुख माधवप्रसाद पौडेलले नेपालीको आवाज डटकमलाई जानकारी दिए ।

फाईल तस्विर

उनले नगर भित्र ८० बर्ष माथीका करिब एक हजार जना ज्येष्ठ नागरिक रहेको बताउदै रत्ननगरका १६ वटा वडामानैे एक—एक जना स्वास्थ्यकर्मी परिचालन गरिएको स्वास्थ्य शाखा प्रमुख माधवप्रसाद पौडेलले जानकारी दिए । तिन वर्ष अघि सुरु गरिएको सो कार्यक्रमलाई निरन्तरता दिदै सो कार्यक्रमलाई अगाडी बढाइएको पौडेलले बताए । कोरोनाको जोखिम कायमै रहेकाले स्वास्थ्य मापदण्ड पुरा गरी स्वास्थ्य परीक्षण गरिने पौडेलको भनाई छ ।

स्वास्थ्यकर्मी घरमै पुगेर ज्येष्ठ नागरिकको सुगर प्रेसर परीक्षण गर्ने र आवश्यकता अनुसार स्वास्थ्य परामर्श दिने पौडेलले बताए ।
सो कार्यक्रमको तयारीका लागि बुधवार नगरपालिकाले स्वास्थ्यकर्मीलाई प्रशिक्षण पनि दिएको थियो । सो प्रशिक्षण कार्यक्रमको सहजिकरण स्वास्थ्य शाखा प्रमुख पौडेलनै गरेका थिए ।

सो प्रशिक्षण कार्यक्रममा प्रमुख अतिथि समेत रहेका मेयर नारायण वनले स्वास्थ्यकर्मीहरुलाई सुगर परीक्षण गर्ने गुल्कोमिटर, प्रेसर परीक्षण गर्ने मेसिन हस्तान्तरण गरेर जिम्मेवार भएर काममा लाग्न स्वास्थ्यकर्मीहरुलाई आग्रह गरे ।

उनले ज्येष्ठ नागरिक हाम्रा अभिभावक भएको बताउदै उनीहरुको रेखदेख र स्वास्थ्य परीक्षण गर्नु आफुहरुको दायित्व रहेको बताए । उनले देखाउनका लागि नगरपालिकाले सो काम नगरेको भन्दै सम्पूर्ण स्वास्थ्यकर्मीले परिणाम निश्किने गरी काम गर्न आग्रह पनि गरे ।

सो कार्यक्रमको अध्यक्षता नगरपालिकाको सामाजिक बिकास समितिका संयोजक केशव आचार्यको अध्यक्षतामा सम्पन्न भएको थियो ।

तपाईको प्रतिक्रिया