असोज २, चितवन ।
अक्षर समूह, चितवनको आयोजना तथा ग्रीनल्याण्ड पब्लिक स्कुलको सह आयोजनामा “बालबालिकाको माझमा रमेशचन्द्र घिमिरे” कार्यक्रम सम्पन्न भएको छ ।
ग्रीनल्याण्ड पब्लिक स्कुलकि प्राचार्य इन्दिरा कार्किको सभापतित्वमा सम्पन्न सो कार्यक्रममा प्रमुख अतिथि वरिष्ठ साहित्यकार गोविन्दराज बिनोदी,अतिथिहरुमा डि. बि. बर्तौला, इन्दिरा पौडेल , डा. कर्ण बानिया, नानी बिवु रहेका थिए ।
कवि रमेश प्रभात संयोजक रहेको सो कार्यक्रममा साहित्यकार लेखराम सापकोटाले मन्तव्य ब्यक्त गरेका थिए। साहित्यकार विद्या भण्डारी “चिराग” ले सष्ट्रा परिचय, बिमला अधिकारीले रचना वाचन गरेका थिए भने सो कार्यक्रममा ग्रीनल्याण्ड पब्लिक स्कुलका विद्यार्थीहरुको समेत उपस्थिति रहेको थियो।
