रत्ननगर । चितवनको पर्यटकीय नगरी सौराहा रहेको बाघमारा मध्यवर्ती सामुदायिक वनले क्रियाशिल युवा पत्रकार होमनाथ सापकोटालाई सम्मान गरेको छ । वनको १८औं बार्षिक साधारण सभाको अबसरमा पत्रकारितमा मार्फत वन, वन्यजन्तु संरक्षण तथा पर्यटन विकासमा योगदान पु¥याएबापत उनलाई सम्मान गरिएको हो । कार्यक्रमका प्रमुख अतिथि प्रदेश सरकारका पूर्व मन्त्री तथा सांसद कृष्णप्रसाद खनाल र वनका अध्यक्ष जीतु तामाङले दोसल्ला र सम्मानपत्रले सम्मान गरेका थिए । विगत २१ बर्ष देखि पत्रकारितामा क्रियाशिल सापकोटा चितवन पोष्ट दैनिकका संवाददाता,पूर्वी चितवन पत्रकार मञ्चका अध्यक्ष र पत्रकार महासंघ चितवनका निर्वतमान कोषाध्यक्ष समेत हुन ।

तपाईको प्रतिक्रिया