काठमाण्डौ । चलचित्र बिकास बोर्डका अध्यक्ष केशव भट्टराईको असामायिक निधन भएको छ । गए राति ११ बजेर १५ मिनेटमा भट्टराईको ॐ अस्पताल काठमाण्डौमा निधन भएको जनाइएको छ । मृत्युको कारण हर्टअट्याक भएको बताइएको छ । चलचित्र पत्रकार लक्ष्मण सुवेदीलाई हामीले बुझ्दा घटना राती ११ः१५ को भएको जानकारी आफुले पनि पाएको बताए । अर्का चलचित्र पत्रकार रबि लामिछानेले पनि घटना रातीनै भएको र मृत्युको कारण हर्ट अट्याकनै भएको बताए ।
केशब भट्टराईले निर्मण गरेको आफ्नो मान्छे ,हामी तिन भाई ,छोडी गए पाप लाग्ला, देवर बाबु,‘ब्रासलेट’ हुदै चैतमा उहाले निर्मण गर्नु भएको नयाँ चलचित्र ’यात्रा’ प्रदर्शन भएको थियो ।भट्टराईले धेरै चलचित्रमा अभिनय समेत गर्नु भएको थियो ।२०७५ चैत ४ गते बसेको मन्त्रिपरिषद् बैठकले भट्टराईलाई वोर्डको अध्यक्षमा नियुक्त गर्ने निर्णय गरेको थियो ।
राति भएको घटना पश्चात बिभिन्न चलचित्र कलाकर्मी तथा पत्रकारले आ–आफ्नो फेशबुकु स्टाटसमानै दुःख खबर भन्दै पोष्ट गरि रहेका छन् यद्यपी घटनाको बिस्तृत बिवरण भने आउन बांकीनै रहेको छ ।
