मानिसले आफ्नो जिवनमा स्वास्थ्य र खुशी रहने चाहाना सबैले राखेको हुन्छ । स्वास्थ्य र शिक्षा जीवन को अभिन्न आवश्यकता नै मानिन्छन् । त्यसमा पनि अझ सबै भन्दा महत्वपुर्ण त स्वास्थ रहनु नै मानिन्छ । किनभने जब हाम्रो स्वास्थ्य नै बिग्रन्छ हामी भित्र को आत्मबल नै कमजोर हुन्छ, शारीरिक दुर्बलता आउँछ । त्यसैले पनि स्वास्थ्य को धेरै नै महत्व रहेको छ । स्वास्थ्य को कुरा गर्दै गर्दा स्वास्थ्यकर्मी को पनि भुमिका यसमा जोडिन पुग्दछ । समाजमा स्वास्थ्यकर्मीलाई हेर्ने र बुझ्ने तरिका मा धेरै नै विविधता पाइन्छ । स्वास्थ्यमा खटिने सबै स्वास्थ्यकर्मी (चिकित्सक, स्वास्थ सहायक, नर्सिङ टिम, प्रयोगशालाकर्मीहरु तथा सबै) जनाले स्वास्थ्य क्षेत्रमा आफ्नो जीवनलाई समर्पित गर्दै गर्दा मन मा अनेक भावनाहरु व्यक्त भएका हुन्छन् । ति भावनाहरु कती सकारात्मक अनि कति नकारात्मक हुने गर्दछन् । आज यस्तै भावना र सुख दुखका कुराहरु तपाईहरु माझ व्यक्त गर्दछु ।

हामी स्वास्थ्यकर्मीहरु बिरामी को सेवामा समर्पित हुँदै दिन रात नभनी काम गरि रहेका हुन्छौ । यसरि गरिएको मेहनत बाट बिरामि निको हुदा हाम्रो खुसी र हर्ष को सिमा नै हुदैन । तर कहिले काहीँ मेहेनत गर्दै गर्दा कुनै बिरामी ठिक नहुदै गर्दा सबै भन्दा बढी पीडा हामिलाइ हुने गर्दछ । यो परिस्थिति हामी कहिले सोच्न पनि सकेका हुदैनौ । आम मानिस जस्तै हाम्रो मन मा पनि कहिले हर्ष कहिले पीडा भएको हुन्छ । तर यस्तो परिस्थिति मा पनि मुस्कान सहित बिरामी को सेवामा हामी खटी नै रहेका हुन्छौ । यसमा हामिलाई सबै पीडा मनमा दबाएर बिरामी निको बनाउन पाउँदा सन्सार नै जितेको अनुभव हुने गर्दछ ।

लेखकः डा.सन्तोष भुषाल, चिकित्सक
चितवन मुटु अस्पताल, भरतपुर

आफ्नो सीप ज्ञान् र बिबेक प्रयोग गर्दै हामीले काम गरेका हुन्छा ै। हामी ले मेडिकल अभ्यास सुरु गर्दै गर्दा खाएका कसम र बाचा ले पनि हामिलाइ कहिले बिरामी आफ्नो र पराइ , शत्रु र मित्र भन्न दिदैन, नत हामी आफ्नो जिम्मेवारीबाट पछाडि हट्न नै मिल्छ ।
तर आज भोलि अबिवेक को बन्दी हुँदै बिरामी बाटै स्वास्थ्यकर्मी हरु कुटिएका र आक्रमण भएका समाचार पढदा र देख्न पर्दा अत्याधिक दुखी भएका हुन्छौं, हाम्रो मन धेरै रोएको हुन्छ ।

हाम्रो चाहना ठुला ठुला अवार्ड र पुरस्कार होइन बिरामी र बिरामी को आफन्तबाट पाउने न्यानो माया र बिश्वास नै हो । स्वास्थकर्मी प्रती को बिश्वास ले नै उहाँहरुको हौसला बढाउने काम गर्दछ । यसबाट बिरामी र स्वास्थ्यकर्मी बिचमा राम्रो आत्मियता बिकास गर्दछ । यो आत्मबिश्वासको उपचार मा निकै ठूलो महत्व हुन्छ । त्यसैले हामी स्वास्थ्यकर्मीको बिन्ती भनेको हामीलाई समाजबाट घृणा होइन “माया”, हिंसा होइन “शान्ती” र शंका होइन बिश्वास को “अपेक्षा” रहेको हुन्छ ।

तपाईको प्रतिक्रिया